کازمی پارێزگارێکی نوێ بۆ زیقار رادەسپێرێت
K24 - ھەولێر
سەرۆک وەزیرانی عێراق، پارێزگارێکی نوێ بۆ زیقار رادەسپێرێت و بڕیارە لە كۆبوونەوەی ئەمڕۆی ئەنجومەنی وەزیرانی عێراق فەرمان دەربچێت.
بەگوێرەی هەواڵی میدیاکانی عێراق، مستەفا کازمی سەرۆک وەزیرانی عێراق، ئەحمەد خەفاجی، بۆ پۆستی پارێزگاری زیقار کاندیدکردووە و بڕیارە لە کۆبوونەوەی ئەمڕۆی ئەنجومەنی وەزیران، بە فەرمی رابسپێردرێت.
ئەمەش لەکاتێکدایە خۆپیشاندان لە ناسریە بەردەوامە و پێشتر مۆڵەتی سێ رۆژ بە حکومەت درابوو، بۆ دانانی پارێزگارێکی نوێ.
لە شوباتی رابردوو، لە ژێر گوشاری خۆپیشاندەران، نازم وائلی لە پۆستی پارێزگاری زیقار دوورخرایەوە و دواتر عەبدولغەنی ئەسەدی، سەرۆکی دەزگای ئاسایشی نیشتمانی، بۆ سەرپەرشتیکردنی ئیدارەی پارێزگاکە راسپێردرا.