بۆیەکەمجار لە گەرمیان کارەبا لە غازی بەفیرۆچوو بەرهەم دێت
K24- هەولێر:
كەمال محەمەد ساڵح، وەزیری كارەبا، بەئامادەبوونی ئەحمەد موفتی بریكاری وەزارەتی سامانە سروشتیەكان گرێبەستێك لەگەڵ كۆمپانیای ئەگریگۆی بەریتانی واژۆ دەکەن.
بەگوێرەی راگەیەندراوێکی وەزارەتی کارەبا، مەبەست لە گرێبەستەکە، باشتر بەڕێوەچوونی كارەكانی جێبەجێكردنی پرۆژەی وێستگەی 165 مێگاواتی گەرمیان و چارەسەركردنی ئەو ئاستەنگ و گرفتانەی دێنە بەردەم دامەزراندنی وێستگەكە، كە بڕیارە لەمانگی حوزەیرانی ئەمساڵدا 100 مێگاواتی كارەبای لێ بەرهەم بێت.
لە راگەیەندراوەکە هاتووە : ''یەكەمجارە لە گەرمیان بەغازی بەفیڕۆچووی كێڵگە نەوتییەكان، وێستگەیەكی بەرهەمهێنانی كارەبا دادەمەزرێت كە جگە لەسوودە ئابوورییەكەی، بۆ پاراستنی ژینگەی ناوچەكەش گرنگی رادەبەدەری هەیە.