چەند كاروانێكی دیكەی ڤاكسین دەگەنە عێراق

K24 - ھەولێر

وته‌بێژی وه‌زاره‌تی ته‌ندروستی عێراق رایگه‌یاند، چه‌ند كاروانێكی دیكه‌ی پێكوته‌ی كۆرۆنا ده‌گات به‌غدا.

سه‌یف به‌در، وته‌بێژی وه‌زاره‌تی ته‌ندروستی عێراق له‌ راگه‌یه‌ندراوێكدا ئاشكرای كرد، سبه‌ی یه‌كشه‌ممه‌ 11/4/2021، چه‌ند بارێكی پێكوته‌ی كۆرۆنا لە رێگه‌ی فڕۆكه‌خانه‌ی نێوده‌وڵه‌تی به‌غداوه‌ ده‌گه‌نه‌ عێراق، به‌ڵام هیچ زانیارییه‌كی ده‌رباره‌ی جۆر و بڕی باره‌ ڤاكسینه‌كانی باس نه‌كردووه‌.

وته‌بێژی وه‌زاره‌تی ته‌ندروستی عێراق ئاماژه‌یداوه‌، سبه‌ی كاتژمێر 9ی به‌یانی فڕۆكه‌كه‌ له‌ فڕۆكه‌خانه‌ی نوێده‌وڵه‌تی به‌غدا ڤاكسینه‌كان ده‌گه‌یه‌نێت.