له‌سه‌ر راسپارده‌ی مه‌سرور بارزانی شاندی دانوستانكاری حكومه‌ت ده‌چێته په‌رله‌مان
K24- هه‌ولێر:
له راگه‌یه‌ندراوێكدا، پێشه‌وا هه‌ورامانی، گوته‌بێژی فراكسیۆنی پارتی له په‌رله‌مانی كوردستان رایگه‌یاند، له‌سه‌ر راسپارده‌ی مه‌سرور بارزانی، سه‌رۆكی حكومه‌تی هه‌رێم شاندی دانوستانكاری حكومه‌ت سه‌ردانی په‌رله‌مان ده‌كات و له‌گه‌ڵ سه‌رۆكایه‌تی په‌رله‌مان و سه‌رۆك فراكسیۆنه‌كان و دوو لیژنه‌ی په‌رله‌مانی كۆده‌بنه‌وه.
ده‌قی راگه‌یه‌ندراوی سه‌رۆكی فراكسیۆنی پارتی:
لەسەر راسپاردەی بەڕێز مەسرور بارزانی، سه‌رۆكی حكومه‌ت شاندی دانوستانكاری حكومه‌ت راسپێردراوه، بۆ ئه‌وه‌ی ئەم هەفتەیە بێنه په‌رله‌مان و له‌گه‌ڵ سه‌رۆكایه‌تی په‌رله‌مان و سه‌رۆكی فراكسیۆنه‌كان و هه‌ردوو لێژنە‌ی دارایی و سامانه سروشتییه‌كان كۆببنەوە، لەبارەی دۆخی دارایی و پرسی رێكکەوتنی هەرێم و بەغدا.
پێشەوا هەورامانی
گوتەبێژی فراکسیۆنی پارتی لە پەرلەمانی کوردستان
H.B