پارێزگاری سنە بۆ یه‌كلاكردنه‌وه‌ی چه‌ند پرسێكی بازرگانی سه‌ردانی هه‌ولێر ده‌كات
K24 - هه‌ولێر:
عەبدولمحەمەد زاهدی، پارێزگاری پارێزگای سنەی رۆژهەڵاتی کوردستان، بە سەرۆکایەتی شاندێکی ئابووری و بازرگانی بۆ ماوەی دوو رۆژ سەردانی هەولێری کرد و لە گەڵ بەرپرسان و بازرگانانی پارێزگای هەولێر، په‌یوەندییە ئابووری و بازرگانییەکانی نێوان هەرێمی کوردستان و رۆژهەڵاتی کوردستان وئێرانیان تاووتوێکرد.
عەبدولمحەمەد زاهدی پارێزگاری سنە گوتی: "ئێمە وەك دوو دراوسێ، هەر کاممان کۆمەڵێك توناییمان هەیە، هەم لەبواری ئابووری، هەم لە بواری کولتووری و هونەری کە دەتوانین هاوکاریی یەکتربکەین و ئاڵوگۆڕمان لە نێواندا هەبێت".
هه‌روه‌ها گوتی: "وڵاتی ئێمە وڵاتێکە کە هەم لەبواری کشتوکاڵ و هەم لەبواری پیشەسازی، پێشکەوتنی باشی هەبووە و بەرهەمی زۆر جێگەی سەرنجی هەیە، بە تایبەت بە لەبەرچاوگرتنی ئەم کێشانەی لەم داییانەدا هاتوونەتە ئاراوە، ئێمە دەتوانین بە هەناردەی کاڵاکانمان بۆ هەرێمی کوردستان، بۆ دابینکردنی پێداویستییەکان یارمەتیدرەبین".
