ئه‌نقه‌ره‌: كۆرۆنا بایه‌‌خی ستراتیژی توركیای له‌ ناوچه‌كه‌ زیاد كردووه‌

باڵیۆزی نوێی توركیا له‌ ئه‌مه‌ریكا، حه‌سه‌ن موراد مه‌رجان، رایگه‌یاند، په‌تای كۆرۆنا بووه‌ته‌ هۆیه‌ك بۆ هه‌ڵكشانی بایه‌خی ستراتیژی توركیا له‌ ناوچه‌كه‌.
توركیا
توركیا

K24 – هه‌ولێر:

باڵیۆزی نوێی توركیا له‌ ئه‌مه‌ریكا، حه‌سه‌ن موراد مه‌رجان، رایگه‌یاند، په‌تای كۆرۆنا بووه‌ته‌ هۆیه‌ك بۆ هه‌ڵكشانی بایه‌خی ستراتیژی توركیا له‌ ناوچه‌كه‌.

له‌ چاوپێكه‌وتنێكیدا له‌گه‌ڵ ئاژانسی ئه‌نادۆڵ، ئه‌و باڵیۆزه‌ی توركیا گوتی: دوای بڕانه‌وه‌ی په‌تای كۆرۆنا هاوسه‌نگی نوێ له‌ ناوچه‌كه‌ دێنه‌ ئاراوه‌.

گوتیشی: دڵنیام بایه‌خی توركیا له‌ ناوچه‌كه‌ زیاتر له‌ ماوه‌ی رابردوو هه‌ڵده‌كشێت.

روونیكرده‌وه‌، ئیداره‌ی ئه‌مه‌ریكا زۆر باش له‌ رۆڵ و بایه‌خی توركیا تێگه‌یشتووه‌ و پێویسته‌ هه‌ردوولا له‌ پێناو سه‌قامگیری و ئاشتی ناوچه‌كه‌ و جیهان له‌ بری ئه‌وه‌ی سه‌رنج بخه‌نه‌ سه‌ر ناكۆكییه‌كانیان، په‌ره‌ به‌ به‌ها هاوبه‌شه‌كانیان بده‌ن.

ئه‌و باڵیۆزه‌ی توركیا، ئاماژه‌ی دا، توركیا بێ منه‌ت نییه‌ له‌ ئه‌مه‌ریكا و ئاساییه‌ په‌یوه‌ندییه‌كانی نێوان ئه‌نقه‌ره‌ و واشنتن هه‌ڵبه‌ز و دابه‌ز به‌ خۆوه‌ ببینێت.