نرخی نەوت گۆڕانکاری بەسەردا هات

K24- هەولێر:

ئەمڕۆ دووشەممە نرخی نەوت کەمێک بەرزبوونەوەی تۆمارکرد، ئەمەش بەهۆی خێراتربوونی دابەشکردنی ڤاکسینی کۆرۆنا لە جیهان و زیادبوونی خواست لە ئەمەریکا.

نرخی یەک بەرمیل نەوتی برێنت (کاتژمێر 8:30 بەیانی بە کاتی هەولێر)، بۆ 62 دۆلار و 96 سەنت بەرزبووە. هەروەها نرخی یەک بەرمیل نەوتی تێکساس، لە 59 دۆلار و 31 سەنت مایەوە.

لە ئەمەریکا 70 ملیۆن کەس ڤاکسینی کۆرۆنایان وەرگرتووە، هەروەها لە ئەروپاش، کاریگەرییەکانی ڤاکسین دەرکەوتوون و لە هەندێک وڵات حاڵەتەکان کەمیکردووە.

هەروەها، ئەگەر هەیە بەهۆی نزیکبوونەوەی وەرزی هاوین، کە دەبێتە هۆی زیادبوونی هاتووچۆ و گەشتکردن، نرخی نەوت زیاتر بەرزدەبێتەوە.

Reuters