سەرۆک بارزانی پێشوازی لە باڵیۆزی ئەمەریکا لە عێراق کرد
K24- هەولێر:
سەرۆک مەسعود بارزانی پێشوازی لە ماسیو توێلەر، باڵیۆزی ئەمەریکا لە بەغدا و شاندێکی یاوەری کرد.
لە تویتێکدا، سەرۆک بارزانی لەبارەی کۆبوونەوەکەی لەگەڵ شاندەکەی ئەمەریکا رایگەیاندووە: ''دڵخۆشم بە پێشوازیکردن لە شاندی باڵیۆزخانەی ئەمەریکا لە بەغدا بەسەرۆکایەتیی ماسیۆ توێلەر لە بارەگای بارزانی''.
لەبارەی ناوەڕۆکی کۆبوونەوەکە ئاشکرایکردووە: ''باسمان لە گۆڕانکارییە سیاسیە نوێیەکان کرد و جەختمان لە هەماهەنگی هاوبەش بۆ زیاتر بەهێزکردنی پەیوەندییەکانی ئەمەریکا و کوردستان کردەوە''.
Happy to have received a @USEmbBaghdad delegation headed by ambassador Matthew Tueller today at the Barzani HQ. We discussed the new political developments and reiterated our mutual commitment to further strengthening the USA-Kurdistan relations. pic.twitter.com/q18EfT7Txe
— Masoud Barzani (@masoud_barzani) April 12, 2021