پەیاما پیرۆزباهیێ یا سەرۆکێ حکومەتا هەرێما کوردستان ب هەلکەفتا هاتنەڤا سەرساڵا ئۆلی یا ئێزیدییان

K24- هه‌ولێر:

ب هه‌لكه‌فتنا هاتنا جه‌ژنا سه‌رساڵا نوی یا ئۆلا ئێزیدییان، مه‌سرور بارزانی، سه‌رۆكی حكومه‌تا هه‌رێما كوردستان په‌یامه‌كه‌ پیرۆزباهیێ پێشكێشی ته‌ڤایا ئێزیدیێن كوردستانێ و جیهانێ كر.

ته‌كستا په‌یاما پیرۆزباهیا سه‌رۆكێ حكومه‌تا هه‌رێما كوردستانێ ژبۆ ئۆلا ئێزیدییان:

 ب هەلکەفتا جەژنا سەرساڵا ئۆلی یا ئێزیدییان، پیرۆزباهییەکا گەرم ل خوشك و برایێن ئێزیدی ل کوردستانێ و جیهانی دکەم. هیڤیدارم ساڵا نوی، ساڵا شادی و بەختەوەریێ  و ب داوی هاتنا دەردەسەری و نەخۆشییان بیت.

ب ڤێ هەلکەفتێ، خوشك و برایێن ئێزیدی پشتڕاست دکەینەڤە، کو حکومەتا هەرێما کوردستانێ پشتەڤانەکا بهێزە بۆ داخوازیێن رەوایێن ئێزیدییان و هەموو شیانان دێ بکارئینیت، ژبۆ خزمەتکرنا پتر یا ئێزیدییان و کارکرن ژبۆ زڤڕینەڤا ئاوارەیان و ئاڤەدانکرنەڤا دەڤەرێن ئێزیدییان ب هەڤکاری یا حکومەتا عێراقێ و جڤاکا نیڤدەولەتی.

بێگومان بجهئینانا رێککەفتننامەیا شنگالێ یا دنێڤبەرا حکومەتا هەرێما کوردستانی و حکومەتا فیدرالا عیراقێ و دەرکەفتنا میلیشیا و چەکدارێن نەیاسایی ژ شنگالێ ئەگەرەکێ گرنگێ زڤڕینەڤا ئێمناهی و سەقامگیریێ یە ژبۆ دەڤەرێ.

مەسرور بارزانی

سەرۆکێ حکومەتا هەرێما کوردستانێ

H.B