عێراق.. 7 هه‌زار و 810 كه‌سی دیكه‌ تووشی كۆرۆنا بوون

ژماره‌ی گیان له‌ده‌ستدان زیادیكرد و زیاتر له‌ 104 هه‌زار كه‌سیش له‌ژێر چاودێری پزیشكیدان
دۆخی كۆرۆنا له‌ عێراق هه‌ستیاره‌
دۆخی كۆرۆنا له‌ عێراق هه‌ستیاره‌

K24- هه‌ولێر:

وه‌زاره‌تی ته‌ندروستیی عێراق ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای له‌سه‌رانسه‌ری وڵات به‌پارێزگاكانی هه‌رێمی كوردستانیشه‌وه‌ راگه‌یاند و به‌گوێره‌ی ئاماره‌كه‌، له‌ماوه‌ی 24 كاتژمێری رابردوودا پشكنینی پزیشكی بۆ 46 هه‌زار و 299 كه‌س ئه‌نجامدراوه‌ و تووشبوونی 7 هه‌زار و 810 كه‌سی دیكه‌ به‌ په‌تاكه‌ پشتڕاست كرایه‌وه.‌ زۆرترین ژماره‌ی تووشبوونی ئه‌مڕۆش له‌ ناوچه‌ی كه‌رخی شاری به‌غدا‌ تۆماركرا، كه‌ بریتییه‌ له‌ 1329 حاڵه‌ت.

وه‌ك له‌راگه‌یه‌ندراوه‌كه‌دا هاتووه‌، له‌ماوه‌ی شه‌و و رۆژێكدا 49 كه‌سیش به‌هۆی په‌تاكه‌ گیانیان له‌ده‌ستداوه.

هاوكات 5 هه‌زار و 817 حاڵه‌تی چاكبوونه‌وه‌ش له‌په‌تاكه‌ راگه‌یه‌ندراوه‌.

تا ئێستا كۆی ئه‌وانه‌ی له‌سه‌رانسه‌ری عێراق تووشی په‌تاكه‌ بوونه، ژماره‌یان گه‌یشته 956 هه‌زار و 860 حاڵه‌ت، له‌و ژماره‌یه‌ش 14 هه‌زار و 885 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه، 837 هه‌زار و 336 كه‌سیش به‌ رێژه‌ی 87.5% به‌ته‌واوی چاك بوونه‌ته‌وه و 104 هه‌زار و 639 كه‌سیش له نه‌خۆشخانه‌كان له‌ژێر چاودێری پزیشكیدان، له‌و ژماره‌یه‌ش 501 كه‌س به‌هۆی ناجێگیری دۆخی ته‌ندروستییان له‌ژێر چاودێری چڕی پزیشكیدان.

ئاماژه‌ به‌وه‌ش دراوه‌، تا ئێستا ڤاكسینی كۆرۆنا بۆ 197 هه‌زار و 914 كه‌س له‌ سه‌رانسه‌ری عێراق دانراوه‌.

H.B