پەرلەمان دەنگ لەسەر پێشنیازەیاسای هاوردەکردن و فرۆشتنی بەرهەمە نەوتییەکان دەدات
K24 – ھەولێر
رۆژی سێشەممە 20/4/2021 پەرلەمانی کوردستان کۆدەبێتەوە و یەكێك لە تەوەرەكانی كۆبوونەوەكە دەنگدانە لەسەر لەسەر پێشنیازە یاسای هاوردەکردن وفرۆشتنی بەرهەمە نەوتییەکان.
بەگوێرەی بانگهێشتنامەی سەرۆکی پەرلەمان بۆ ئەندامانی پەرلەمان كۆبوونەوەكە کاتژمێر 11ی پێشنیوەڕۆ دەستپێدەكات و دەستەی سەرۆکایەتی پەرلەمان بڕیاریاندا بەرنامەی کار بەمشێوەی خوارەوەبێت:..
1-دەنگدان لەسەر پێشنیازە یاسای هاوردەکردن و فرۆشتنی بەرهەمەنەوتییەکان لەهەرێمی کوردستان.
2-خستنەڕوی بیرۆکەی2 پەرلەمانتار
د.گەڵاوێژ عوبێد سەبارەت بەزۆربووی نەخۆشی شێرپەنجە
شنۆ ئەشقی سەبارەت بە ڕەخساندنی هەڵی کارلەهەرێمی کوردستان.
3-خوێندنەوەی یەکەم بۆ پێشنیازە یاسای هەمواری یەکەمی یاسایبەخاوەنکردنی ئەو زەوییانەی لەسنوری شارەوانییەکان زێدەڕۆییان لەسەرکراوە لەهەرێمی کوردستان-عێراق ژمارە۲ 2019
4-خوێندنەوەی دووەم بۆ ئەم پێشنیازەیاسا و بڕیارانە
ٲ-پێشنیازە بڕیاری(رۆژی رۆژنامەگەری کوردی لە هەرێمی کورستان.
ب-پێشنیازە یاسای بەرێوەبردن و پاراستنی شوێنەوار و کەلەپور لەهەرێمی کوردستان.