نازم عه‌لی كاكه‌یی میوزیكژه‌ن به كۆرۆنا كۆچی دواییكرد
K24 – هه‌ولێر:
هونه‌رمه‌ندی میوزیكژه‌نی كورد، نازم عه‌لی كاكه‌یی له نه‌خۆشخانه‌یه‌كی سوید له ته‌مه‌نی 64 ساڵیدا به كۆرۆنا كۆچی دواییكرد.
كاكه‌یی له 1974 په‌یمانگه‌ی هونه‌ره جوانه‌كانی به‌غدای ته‌واو كردووه و وه‌ك میوزیكژه‌ن له‌گه‌ڵ كازم ساهر، یاس خزر، سه‌عدون جابر و چه‌ندین هونه‌رمه‌ندی دیكه كاری كردووه.
هونه‌رمه‌ندی كۆچكردوو، به ره‌چه‌ڵه‌ك خه‌ڵكی گوندی زه‌نقه‌ری كاكه‌ییه‌كانه له قه‌زای داقووق و به‌ر له‌وه‌ی روو بكاته ده‌ره‌وه‌ی وڵات له كه‌ركووك نیشته‌جێ بووه.