ھاوپەیمانی نێودەوڵەتی: لە ماوەی رابردوو زیاتر لە 26 هەزار هەژماری داعش لە تۆرە کۆمەڵایەتییەکان لە عێراق لەناوبراون
K24 – ھەولێر:
هاوپەیمانی نێودەوڵەتی دژی داعش رایگەیاند: لە ماوەی رابردوودا لە عێراق زیاتر لە 26 هەزار هەژماری داعش لە تۆرە کۆمەڵایەتییەکان لەناوبراون.
گوتەبێژی هاوپەیمانی نێودەوڵەتی دژی داعش، وەین مەرۆتۆ گوتی: تیرۆر و توندڕەوی گەورەترین هەڕەشەن لەسەر هەر کۆمەڵگەیەك، لە ماوەی رابردوودا دژە تیرۆری عێراق 26 هەزار و 280 هەژماری داعش و لایەنگرانی ئەو رێکخراوە تیرۆریستیەیان لە عێراق لەناوبردوون.
هەژمارەکان لە تۆرە کۆمەڵایەتییەکان پڕوپاگەندەیان بۆ داعش کردووە و زانیاری و هەواڵی چەواشەکاریی و ترس و دوودڵیان بڵاوکردووەتەوە.