سبهی پهرلهمانی كوردستان كۆدهبێتهوه
K24 - ههولێر:
پهرلهمانی كوردستان له رایگهیاند، سبهی دانیشتنی ژماره (11)ی ئاسایی خولی بەهارەی لهكاتژمێر (11)ی پێشنیوهڕۆ ئهنجام دهدات و بهرنامهی كاری دانیشتنهكهشی لهسهر دوو تهوهر خستهڕوو.
دهستهی سهرۆكایهتی روونیكردوه، كارنامهی دانیشتنهكهی بهیانی لهسهر ههردوو تهوهری (بەڕێوەبردن و پاراستنی شوێنەوار و كەلەپوور لەهەرێمی كوردستان-عێراق) و (هەمواری پیادەكردنی یاسای بەڕێوەبردنی ئەوقاف ژمارە (64)ی ساڵی 1966ی هەمواركراو لەهەرێمی كوردستان-عێراق) دهبێت.
دهقی راگهنراوهكهی پهرلهمانی كوردستان:
بهپێی حوكمی ماددهی (5)و بڕگهكانی (یهكهم و دووەم و سێیەم) لهماددهی (16) و بڕگهی (سێیهم) لهماددهی (18) و بڕگهكانی (یهكهم و دووهم و سێیهم و چوارهم و پێنجهم) لهماددهی (20) و ماددهكانی (47، 48، 52، 54، 55، 56، 57) لهپهیڕهوی ناوخۆی پهرلهمانی كوردستان-عێراق، دهستهی سهرۆكایهتیی پهرلهمان بڕیاریدا بهرنامهی كاری دانیشتنی ژماره (11)ی ئاسایی خولی بەهارەی ساڵی سێیەم لهخولی پێنجهمی ههڵبژاردنی پهرلهمان لهكاتژمێر (11)ی پێشنیوهڕۆى رۆژی چوارشەممە رێكهوتی 28/4/2021، بهم شێوهیه بێت:
یەكەم: دهنگدان لهسهر پێشنیازهیاسای (بەڕێوەبردن و پاراستنی شوێنەوار و كەلەپوور لەهەرێمی كوردستان-عێراق)، بهپێی حوكمی ماددهكانی (90، 91، 93، 96، 97) لهپهیڕهوی ناوخۆی پهرلهمانی كوردستان.
دووەم: خوێندنەوەی یەكەم بۆ پڕۆژەیاسای (هەمواری پیادەكردنی یاسای بەڕێوەبردنی ئەوقاف ژمارە (64)ی ساڵی 1966ی هەمواركراو لەهەرێمی كوردستان-عێراق)، بەپێی حوكمی بڕگەی (یەكەم)ی ماددەی (83) لەپەیڕەوی ناوخۆی پەرلەمانی كوردستان.
د.ی