کەشتییەکی سەربازیی ئەمەریکا تەقەی ئاگادارکردنەوە ئاراستەی چەند بەلەمێکی ئێرانی دەکات
K24- هەولێر:
کەشتییەکی جەنگی ئەمەریکا تەقەی ئاگادارکردنەوەی ئاراستەی سێ بەلەمی سەربازیی ئێرانی لە کەنداو دەکات.
بەگوێرەی راگەیەنراوێکی هێزی دەریایی ئەمەریکا، سێ بەلەمەکە ئاڵای سوپای پاسدارانیان هەڵکردووە و 60 مەتر لە کەشتییە جەنگییەکەی ئەمەریکا دوور بوون.
ئاماژەی بەوەشکردووە، سەرەتا لە رێگای شەپۆلی رادیۆیی و ئامێری تایبەتی دەنگ هەوڵی ئاگادارکردنەوەی سێ بەلەمەکە دراوە، بەڵام ئەوان هەر زیاتر نزیکبوونەتەوە، تاوەکو تەقەی ئاگادارکردنەوە کراوە و دوور کەوتوونەتەوە.
2ـی نیسانی ئەمساڵ، بە هەمان شێوە چەند کەشتییەکی سەربازیی ئێران، کەشتییەکی سەربازیی ئەمەریکییان ناچار بە گۆڕینی رێڕەوەکەی کردبوو.
ئەمەش لە کاتێکدایە، دانووستانی چارەسەرکردنی کێشەکانی ئێران لە ڤییەنا بەردەوامە و ئەمەریکا ئامادەیی بۆ چارەسەکردنی کێشەکان دەربڕیووە.
AFP