پەرلەمان ده‌نگ له‌سه‌ر پێشنیازه‌یاسای بەڕێوەبردن و پاراستنی شوێنەوار و كەلەپوور دەدات
K24 – هەولێر
پەرلەمانی کوردستان کۆدەبێتەوە و ده‌نگ له‌سه‌ر پێشنیازه‌یاسای بەڕێوەبردن و پاراستنی شوێنەوارو كەلەپوور دەدات و خوێندنەوەی یەكەمیش بۆ پڕۆژەیاسای هەمواری پیادەكردنی یاسای بەڕێوەبردنی ئەوقاف دەکات.
بەگوێرەی بەرنامەی کاری دەستەی سەرۆکایەتی پەرلەمان، کۆبوونەوەکە لە کاتژمێر 11ی پێشنیوەڕۆی ئەمڕۆ 28/4/2021 دەست پێدەکات، تەوەرەکانی بریتین لە:..
یەكەم: ده‌نگدان له‌سه‌ر پێشنیازه‌یاسای (بەڕێوەبردن و پاراستنی شوێنەوار و كەلەپوور لەهەرێمی كوردستان-عێراق)، به‌پێی حوكمی مادده‌كانی (90، 91، 93، 96، 97) له‌په‌یڕه‌وی ناوخۆی په‌رله‌مانی كوردستان.
دووەم: خوێندنەوەی یەكەم بۆ پڕۆژەیاسای (هەمواری پیادەكردنی یاسای بەڕێوەبردنی ئەوقاف ژمارە (64)ی ساڵی 1966ی هەمواركراو لەهەرێمی كوردستان-عێراق)، بەپێی حوكمی بڕگەی (یەكەم)ی ماددەی (83) لەپەیڕەوی ناوخۆی پەرلەمانی كوردستان.
