خانەوادەیەکی كورد لە سوودان چوار منداڵیان بەجارێك دەبێت
K24 – ھەولێر:
فەلەك موستەفا، ئافرەتێكی كوردی گوندی سارۆنجەی رۆژئاوای كوردستانە، تەمەنی 24 ساڵانە و ئێستا لەگەڵ ھاوسەرەكەی لە سوودان دەژین، ئەمڕۆ چوار منداڵی بەیەكەوە پەیدابوو.
عەلی ئەنوەر تەمۆ، ھاوسەری فەلەك، تەمەن 26 ساڵ بە كوردستان24ی راگەیاند، چوار منداڵەكە سێ كوڕ و كچێكن و ئەمڕۆ رێكەوتی 1ی ئایار/ مایسی 2021 لە دایكبوونە.
ھەروەھا گوتی: "ئێمە لە بنەڕەتدا خەڵكی گوندی سارۆنجین لە كۆبانێ و ماوەی 4 ساڵە لە شاری خەرتوومی پایتەختی سوودان دەژین و كۆمپانیای خۆمان هەیە و لێرە کار دەکەین".
عەلی ئەنوەر، لەبارەی ناونانی ئەو چوار منداڵە گوتی: "كوڕەكانم ناو ناون بارزانی، مەسعود، نێچیرڤان، ناوی كچەكەشم ناوە كوردستان.