بەریتانیا پاڵپشتی بۆ هەرێمی کوردستان دووپات دەکاتەوە
K24- هەولێر:
ستیفن ھیکی، باڵیۆزی بەریتانیا لە عێراق لە تویتێکدا لەبارەی هێرشی داعش بۆ سەر هێزەکانی پێشمەرگە، پشتیوانیی وڵاتەکەی بۆ هەرێمی کوردستان دووپاتدەکاتەوە.
باڵیۆزی بەریتانیا رایگەیاندووە: ''شانشینە یەکگرتووەکان پاڵپشتی هەرێمی کوردستان و پێشمەرگە و هەموو عێراقییەکانە لە جەنگی دژ بە داعش''.
ئاماژەی بەوەشکردووە: ''ئێمە بەردەوام دەبین لە پێشکەشکردنی هاوکاری سەربازیی و گەشەپێدان بۆ شکستهێنان بە داعش''.
ستیڤن هایکی داوای هەماهەنگی زیاتری هەولێر و بەغدا دەکات و نووسیویەتی: ''پشتگیریی لە هەوڵەکانی هەولێر و بەغدا دەکەین بۆ کۆتایی هێنان بەو بۆشاییە ئەمنییەی لە ناوچە کێشە لەسەرەکان هەیە''.
بەرە بەیانی دوێنێ، داعش هێرشیکردە سەر لیوای 10ی پێشمەرگە لەبەرزاییەکانی زورگەزراو، بەهۆی هێرشەکە سێ پێشمەرگە شەهید بوون و دوانی دیکەش برینداربوون. لە ماوەیەکی کەمیش، هێرشەکە تێکشکێندرا.
The UK🇬🇧 stands in solidarity with the KRI, the Peshmerga and all Iraqis in the fight vs Daesh.
— Stephen Hickey (@sblhickey) May 1, 2021
We will continue to provide military + development aid to Iraq to defeat Daesh. And we will support efforts by Baghdad + Erbil to end the security vacuum in the disputed territories. https://t.co/3P6F3JFD7M