وەزارەتی رۆشنبیری هۆشداری دەداتە کەناڵەکانی راگەیاندن
K24 - ههولێر:
وەزارەتی رۆشنبیری و لاوان لە بەیاننامەیەکیدا ئاگاداری کەناڵەکانی راگەیاندن دەکاتەوەو کە خۆیان بە دووربگرن لە نیشاندانی دیمەنی تووندوتیژی و کوشتن و زەقکردنەوەی کێشە کۆمەڵایەتییەکان لە پێناو تێکنەچوونی ئاشتی کۆمەڵایەتی.
بەڕێوەبەرایەتی گشتی راگەیاندن و چاپ و بڵاوکردنەوەی سەر بە وەزارەتی رۆشنبیری و لاوان لە ئاگادارکردنەوەکەیدا دڵنیایی دەدات هەر کەناڵ و دامەزراوەیەك سەرپیچی بکات؛ رێکاری یاسایی بەرامبەریان دەگرێتەبەر.
لە بەیاننامەکەدا ئاماژە بەوەشکراوە، نیشاندانی دیمەنی تۆمەتباران و وەرگرتنی ووتە لێیان پێش بڕیاری دادگا، هاندانی راستەوخۆ و یان ناڕاستەوخۆی بینەرانە بۆ پەیڕەکردنی توندوتیژی و تێکدانی ئاشتی کۆمەڵایەتی.
دامەزراوەی کوردستان24 وەك پرەنسیپی کاری میدیایی خۆی کەمترین دیمەنی کوشتن و توندوتیژی و نیشاندانی وێنەی تۆمەتباران بڵاودەکاتەوە، ئەمەش لە پێناو پاراستن و رێزگرتن لە دۆخی دەروونی هاووڵاتیان و بینەرانمان.
م.هـ