سه‌رۆكی ئه‌نجومه‌نی نوێنه‌رانی عێراق گه‌یشته‌ هه‌ولێر

له‌گه‌ڵ به‌رپرسانی هه‌رێمی كوردستان كۆده‌بێته‌وه‌
هێمن هه‌ورامی، جێگری سه‌رۆكی په‌رله‌مانی كوردستان پێشوازی له‌ "محه‌مه‌د حه‌لبوسی" سه‌رۆكی ئه‌نجومه‌نی نوێنه‌رانی عێراق كرد
هێمن هه‌ورامی، جێگری سه‌رۆكی په‌رله‌مانی كوردستان پێشوازی له‌ "محه‌مه‌د حه‌لبوسی" سه‌رۆكی ئه‌نجومه‌نی نوێنه‌رانی عێراق كرد

K24 - هه‌ولێر:

محه‌مه‌د حه‌لبوسی، سه‌رۆكی ئه‌نجومه‌نی نوێنه‌رانی عێراق، ئه‌مڕۆ دووشه‌مه‌ گه‌یشته‌ فڕۆكه‌خانه‌ی نێوده‌وڵه‌تی هه‌ولێر و له‌لایه‌ن "هێمن هه‌وارمی"، جێگری سه‌رۆكی په‌رله‌مانی كوردستانه‌وه‌ پێشوازی لێكرا.

بڕیاره‌ حه‌لبوسی له‌گه‌ڵ به‌رپرسانی باڵای هه‌رێمی كوردستان كۆببێته‌وه‌ و تاووتوێی ره‌وشی عێراق و ناوچه‌كه‌ بكه‌ن.

ئه‌م سه‌ردانه‌ی حه‌لبوسی له‌ كاتیكدایه‌، واده‌ی هه‌ڵبژاردنی پێشوه‌خته‌ی عێراق نزیك ده‌بێته‌وه‌، وه‌رگرتنی را و بۆچوونی به‌رپرسانی هه‌رێمی كوردیستانیش بۆ لایه‌نه‌كانی عێراق گرنگه‌، بۆیه‌ چاوه‌ڕوان ده‌كرێت سه‌رۆكی ئه‌نجومه‌نی نوێنه‌رانی عێراق كار بۆ دوای هه‌ڵبژاردن بكات.