سه‌رۆكی توركیا و پاشای سعوودییه‌ باسیان له‌ ئاساییكردنه‌وه‌ی په‌یوه‌ندییه‌كانیان كرد

وردەكاری زیاتر لەم بارەوە نەخڕاوەتەڕوو
رەجەب تەیب ئەردۆغان، سەرۆكی توركیا وشا سەلمان بن عەبدولعەزیز، شای سعوودیە (ئەرشیف)
رەجەب تەیب ئەردۆغان، سەرۆكی توركیا وشا سەلمان بن عەبدولعەزیز، شای سعوودیە (ئەرشیف)

K24 – ھەولێر:

سەرۆكی توركیا، رەجەب تەیب ئەردۆغان لەگەڵ پادشای سعوودیە، سەلمان بن عەبدولعەزیز بەتەلەفۆن باسی پەیوەندییەكانی دوولایەنەی نێوان ھەردوو وڵاتی كرد.

فەرمانگەی پەیوەندییەكانی سەرۆكایەتی توركیا لە راگەیاندراوێكدا گوتی: ئەردۆغان و شا سەلمان لە میانی پەیوەندییەكی تەلەفۆنیدا باسی پەیوەندییەكانی نێوان ھەردوو وڵاتیان كردووە، بەبێ ئەوەی وردەكاری زیاتر لەم بارەوە بخاتەڕوو.

ماوەی چەند مانگێگە توركیا بەتایبەتی دوای ھاتنی جۆ بایدن بۆ سەرۆكایەتی ئەمەریكا و فشارەكانی ئەوروپا لەسەری ھەوڵدەدات زمانی دیپلۆماسی خۆی بگۆڕێت و پەیوەندییەكانی لەگەڵ زۆربەی نەیارەكانی ئاسایی بكاتەوە لەوانەش، سعوودیە و میسر و یۆنان.