مالكی: پشتیوانی سیاسه‌تی ده‌ره‌وه‌ی كازمی ده‌كه‌م

سه‌رۆكی ئیئتیلافی ده‌وڵه‌تی یاسا، نوری مالكی پشتیوانی خۆی بۆ سیاسه‌تی ده‌ره‌كی حكومه‌تی مسته‌فا كازمی ده‌ربڕی.
نوری مالكی، سه‌رۆكی ئیئتیلافی ده‌وڵه‌تی یاسا
نوری مالكی، سه‌رۆكی ئیئتیلافی ده‌وڵه‌تی یاسا

K24 – هه‌ولێر:

سه‌رۆكی ئیئتیلافی ده‌وڵه‌تی یاسا، نوری مالكی پشتیوانی خۆی بۆ سیاسه‌تی ده‌ره‌كی حكومه‌تی مسته‌فا كازمی ده‌ربڕی.

نوری مالكی له‌ چاوپێكه‌وتنێكی ته‌له‌ڤزیۆنیدا گوتی: پشتیوانی هه‌نگاوه‌كانی حكومه‌تی سه‌رۆك وه‌زیران مسته‌فا كازمی ده‌كه‌م بۆ كرانه‌وه‌ به‌ رووی وڵاتانی كه‌نداودا.

گوتیشی: ئێمه‌ پێشنیازمان كردووه‌، هه‌موو كوتله‌ سیاسییه‌كان كۆببینه‌وه‌ و به‌یه‌كه‌وه‌ پشتیوانی له‌ حكومه‌تی وڵاته‌كه‌مان بكه‌ین.

هه‌روه‌ها گوتی: تا ئێستا هیچ كۆبوونه‌وه‌یه‌ك له‌گه‌ڵ سه‌رۆك وه‌زیرانه‌كانی پێشوودا نه‌كراوه‌، ئه‌مه‌ش هه‌ڵه‌یه‌.

نوری مالكی له‌ باره‌ی هه‌ڵبژاردنه‌وه‌ گوتی: هه‌ڵبژاردنی داهاتوو مه‌ترسیداره‌ و بوونی چه‌ك به‌ ده‌ست گرووپه‌كانه‌وه‌ واته‌ ژینگه‌ی ئارام بۆ هه‌ڵبژاردن نییه‌.

روونیكرده‌وه‌، شه‌قامی عێراق داواكاری هه‌یه‌ و لایه‌نه‌ سیاسییه‌كان به‌رپرسیارن له‌ خراپی ره‌وشی عێراق.