روحانی: تائێستا ڤاکسینی کۆرۆنام وەرنەگرتووە

سەرۆک کۆماری ئێران: کۆرۆنا تا کۆتایی ئەمساڵیش کۆتایی پێنایەت
حەسەن روحانی سەرۆك كۆماری ئێران
حەسەن روحانی سەرۆك كۆماری ئێران

K24 – هەولێر

ئێران شەپۆلی چوارەمی کۆرۆنای تێپەڕاند و سەرۆک کۆماری وڵاتەکەش دەڵێ "تائێستا ڤاکسینی کۆرۆنام وەرنەگرتووە".

حەسەن روحانی سەرۆک کۆماری ئێران ئاشکرای کرد، تائێستا ڤاکسینی کۆرۆنای وەرنەگرتووە، لەگەڵ بەرپرسانی باڵای ئێران چاوەڕێ دەکەن بەپێی میکانیزمی دیاریکراو و لەکاتی خۆیدا ڤاکسین وەربگرن، هۆکارەکەشی بۆ نەبوونی ڤاکسینی پێویست لە ئێران دەگەڕێنێتەوە و رایدەگەیەنێت، تەندروستی خەڵکیان بەلاوە گرنگترە.

سەرۆک کۆماری ئێران لە کۆبوونەەی ئەمڕۆی ناوەندی روبەڕووبوونەوەی کۆرۆنای ئێران گوتی "شەپۆلی چوارەمی کۆرۆنامان تێپەڕاندووە، بەڵام ئەمە بەو مانایە نییە کە مەترسییەکانی کۆرۆنا نەماوە و تا کۆتایی ئەمساڵیش کۆرۆنا کۆتایی پێنایەت.