سوپاسالاری ئێران: به‌مزووانه ئۆپه‌راسیۆنی "سه‌یفی قودس" مژده‌ی رزگاركردنی قودسمان پێدەدات
K24 - هه‌ولێر:
لیوا "سه‌ید عه‌بدولره‌حیم موسه‌وی" سوپاسالاری ئێران رایگه‌یاند، "به‌مزووانه ئۆپه‌راسیۆنی "سه‌یفی قودس" مژده‌ی رزگاركردنی قودسمان پێدەدات".
له‌سه‌ر دوایین په‌ره‌سه‌ندنه‌كانی ئەم دواییه‌ی ناكۆكییه‌كانی فه‌له‌ستین و ئیسرائیل موسه‌وی گوتی: "ئێمه هه‌رگیز له به‌ڵێنی خوا به‌گومان نین و ده‌زانین خاوه‌ن ماف به‌سه‌ر ناحه‌قی سه‌رده‌كه‌وێت و سته‌میش شكست ده‌هێنێت".
گوتیشی: "كاتێك رابه‌ری شۆڕشی ئێران به‌ڵێنی دا، كه سه‌رده‌می ئیسرائیل ماوه‌ی 25 ساڵی دیكه تێپه‌ڕ ناكات، ره‌نگه زۆر كه‌س پێشبینییان نه‌كردبێ، كه ئه‌مه‌ی ئه‌مڕۆ ده‌یبینین".
موسه‌وی ئاماژه‌ی به‌وه كرد، "زانیۆنیزم پێشتر له‌سه‌ر ناوچه‌كه زاڵبوون، ئێستا به‌رامبه‌ر هێزه‌كانی به‌رگری مایه‌پووچ بوون، خه‌ونی "له نیله‌وه تا فورات"یان لێبووه‌ته دێوه‌زمه".
ئاماژه‌ی به‌وه‌ش كرد، پێویسته خیانه‌تكار و سازشكارانی ناوچه‌كه بزانن، خوێنی منداڵانی غه‌ززه لایه‌نگر و هاوپه‌یمانه‌كانیان نغرۆ ده‌كات".
سوپاسالاری ئێران روونیكرده‌وه، "بۆچوونمان وایه، به‌رده‌وامی تاوانه‌كانی زایۆنیزم له ئه‌نجامی ده‌ستڕاكێشانی خیانه‌تكارانه بۆ ئه‌و پلانه".
سه‌رچاوه: فارس
د.ی