دوو کەس بە تۆمەتی تیرۆر لە بەغدا دەستگیرکران
K24 - هەولێر
وەزارەتی ناوخۆی عێراق بڵاویکردەوە، هێزێکی لیوای پێنج، فیرقەی دووی پۆلیسی فیدڕاڵی و بە هەماهەنگی لەگەڵ هۆبەی هەواڵگری لیوا، توانییان دوو داواکراو، بە ماددەی تیرۆر لە ناوچەی غەزالیە لە رۆژئاوای بەغدا دەستگیر بکەن.
هاوکات لە زیقاریش، بکوژێکی ترسناک دەستگیرکرا، کە چەندین تاوانی کوشتن و لاقەکردنی لە ناوچە جیاجیاکانی عێراق ئەنجامداوە.
لەلایەکی دیکەوە، بەگوێرەی لێدوانێکی کازم سەلمان، بەڕێوەبەری گشتی بەرگری شارستانی عێراق، لە کۆتایی مانگی نیسانەوە تا ئێستا زیاتر لە 50 حاڵەتی سووتانی گەنم و جۆ تۆمارکراوە، زۆرینەیان بە دەستی ئەنقەست بووە.