قوباد تاڵەبانی: بەمنزیکانە شاندی حکومەتی هەرێم دەچێتەوە بەغدا
K24 - سلێمانی
قوباد تاڵەبانی، جێگری سەرۆکی حکومەتی هەرێمی کوردستان راگەیاند، گفتوگۆکان لەگەڵ حکومەتی عێراق نەوەستاون و ئاشکراشی دەکات بەمنزیکانە شاندی حکومەتی هەرێم دەچێتەوە بەغدا لەبارەی جێبەجێکردنی یاسای بودجەی فیدراڵی و ناردنی پشکی هەرێم لەگەڵ بەرپرسانی حکومەتی عێراق گفتوگۆ دەکات.
قوباد تاڵەبانی، بە کوردستان24ی گوت: "گفتوگۆکانمان لەگەڵ حکومەتی عێراق بەردەوامن و پەیوەندی بەردەواممان هەیە، وەک شاندی حکومەتی هەرێم بەمنزیکانە دەچینەوە بەغدا، بۆ درێژەدان بە گفتوگۆکان".
جێگری سەرۆکی حکومەتی هەرێمی کوردستان جەختیکردەوە، کە ئومێدیان هەیە کە یاسای بودجەی 2021ی عێراق جێبەجێ دەکرێت.