تورکیا 20 بەرپرسی هەدەپە و بەدەپە-ی دەستگیر کرد
K24 - هەولێر
لە باکووری کوردستان 20 بەرپرسی ئێستا و پێشووی هەدەپە و بەدەپە لە شارەکانی ئەدەنە و شەرناخ و دێرسیم لەلایەن هێزە ئەمنییەکانی تورکیا دەستگیرکران.
بە بڕیاری داواکاری گشتی لە پارێزگای ئەدەنە بە تۆمەتی پەیوەندی لەگەڵ پەکەکە و کەجەکە بڕیاردراوە 20 بەرپرسی ئێستا و پێشووی پارتی دیموکراتی گەلان (هەدەپە) و پارتی هەرێمی دیموکرات (بەدەپە) دەستگیر بکرێن.
هێزە ئەمنییەکانی تورکیا بەرەبەیانی ئەمڕۆ لە شەرناخ، ئەدەنە و دێرسیم چوونەتە سەر ماڵی ئەو بەرپرسانە و دەست بەسەر کراون.