قایمقامی کۆیە لە پۆستەکەی دوور دەخرێتەوە
K24 – هەولێر
بە بڕیاری وەزیری ناوخۆی حکومەتی هەرێمی کوردستان، قایمقامی کۆیە لە پۆستەکەی دوور دەخرێتەوە و رەوانەی دادگا دەکرێت.
ئەمڕۆ پێنجشەمە 3/6/2021، بەپێی نووسراوێكی رێبەر ئەحمەد وەزیری ناوخۆی حكوومەتی هەرێمی كوردستان، بڕیار درا بۆ ماوەی دوو مانگ یوسف حەسەن قایمقامی قەزای كۆیە، لە كارەكەی دوور بخرێتەوە و رەوانەی دادگا بكرێت.
لە نووسراوەکەدا هاتووە: "هاوپێچ لەگەڵ دەقی کۆنووسی لیژنەی لێکۆڵینەوە و گشت بەرایی و وتەکان بۆتان دەنێرین کە فەرمانی وەزاریمان بە ژمارە7925 لە 18/4/2021 تایبەت بە لێکۆڵینەوە لەسەر (یوسف حەسەن حوسێن) قایمقامی قەزای کۆیە بە مەبەستی ناردنی بۆ دادگای لیکۆڵینەوەی دەستپاکی".