هێرشکرایە سەر بنکەی سەربازی عەین ئەسەد
K24 – هەولێر
بە دوو فڕۆکەی بێفڕۆکەوان هێرشکرایە سەر بنکەی سەربازی عەین ئەسەد.
شانەی میدیای ئەمنی عێراق لە راگەیەندراوێکدا ئاشکرای کرد "بەرەبەیانی ئەمڕۆ بە دوو فڕۆکەی بێفڕۆکەوان هێرشکرایە سەر بنکەی سەربازی عەین ئەسەد، و سیستمی بەرگری موشەکی بەرپەرچی هێرشەکەی داوەتەوە".
ئەمە لە کاتێکدایە درەنگانی شەوی رابردوو موشەكێك ئاڕاستەی سەنتەری پشتیوانی دیپلۆماسی لە بەغدا کراوە، بەگوێرەی سەرچاوەیەکی سەربازی، هاوکات زەنگی ئاگادارکردنەوەی بەپەلە لە بنکەی سەربازی عەین ئەسەد بیستراوە.