نێچیرڤان بارزانی گه‌یشته‌ ئه‌بوزه‌بی

به‌ سه‌ردانێكى فه‌رمى له‌سه‌ر داواى "شێخ محه‌مه‌د بن زايد ئال نهيان" جێنشینی ئه‌بو زه‌بی و جێگری فه‌رمانده‌ى گشتيى هێزه‌ چه‌كداره‌كانى ئيمارات، گه‌يشته‌ ئه‌بو زه‌بيى پايته‌خت
نێچيرڤان بارزانى، سه‌رۆكى هه‌رێمى كوردستان له‌لایه‌ن "ئه‌حمه‌د عه‌لی ئه‌لسایغ"، وه‌زیری ده‌وڵه‌ت له‌ ئیمارات پێشوازی لێكرا
نێچيرڤان بارزانى، سه‌رۆكى هه‌رێمى كوردستان له‌لایه‌ن "ئه‌حمه‌د عه‌لی ئه‌لسایغ"، وه‌زیری ده‌وڵه‌ت له‌ ئیمارات پێشوازی لێكرا

K24- هه‌ولێر:

نێچيرڤان بارزانى، سه‌رۆكى هه‌رێمى كوردستان، ئێواره‌ى ئه‌مڕۆ هه‌ينى 11ی حوزه‌یران/ یۆنیۆی 2021، به‌ سه‌ردانێكى فه‌رمى له‌سه‌ر داواى "شێخ محه‌مه‌د بن زايد ئال نهيان"، جێنشینی ئه‌بو زه‌بی و جێگری فه‌رمانده‌ى گشتيى هێزه‌ چه‌كداره‌كانى ئيمارات، گه‌يشته‌ ئه‌بو زه‌بيى پايته‌خت.

له‌ رێوڕه‌سمێکدا له‌ فڕۆکه‌خانه‌ی ئه‌بو زه‌بی له‌لایه‌ن "ئه‌حمه‌د عه‌لی ئه‌لسایغ"، وه‌زیری ده‌وڵه‌ته‌وه‌ به‌ یاوه‌ریی باڵیۆزی عێراق له‌ ئه‌بو زه‌بی و کونسولی گشتیی ئیمارات له‌ هه‌ولێر، پێشوازی لێکرا.

به‌پێى به‌رنامه‌ى سه‌ردانه‌كه‌، سبه‌ى شه‌ممه‌ 12ی حوزه‌یران "نێچيرڤان بارزانى" له‌گه‌ڵ "شێخ محه‌مه‌د بن زايد ئال نهيان" كۆده‌بێته‌وه‌.

له‌ کۆبوونه‌وه‌که‌دا پته‌وترکردنی په‌يوه‌ندييه‌كانى هه‌رێمى كوردستان و ئيمارات و چۆنيه‌تيى فراوانكردنى بواره‌كانى هاوبه‌شى و هاريكاريى نێوان هه‌رێمى كوردستان و عێراق له‌گه‌ڵ ئيمارات تاوتوێ ده‌که‌ن، له‌باره‌ی دوايين پێشهات و په‌ره‌سه‌ندنه‌كانى ناوچه‌كه‌ به‌گشتى بیروڕا ده‌گۆڕنه‌وه‌.