لەبارەی تەقینەوەکەی هەڵەبجە روونکردنەوە دەدرێت

تەقینەوەکە خۆکوژی بووە و ناسنامەی کوژراوەکە ئاشکرا کرا
شوێنی تەقینەوەکە
شوێنی تەقینەوەکە

K24 – هەڵەبجە

هێزە ئەمنییەکانی هەڵەبجە ناسنامەی کوژراوەکەی تەقینەوەکەی ئەمڕۆی هەڵەبجەیان ئاشکرا کرد و رایانگەیاند، تەقینەوەکە خۆکوژی بووە.

لە راگەیەندراوێکدا بەشی راگەیاندن و پەیوەندییەکانی ئاسایشی هەڵەبجە ئاشکرای کرد: "رووداوه‌ی سه‌رله‌به‌یانی ئه‌مڕۆ كه‌ له‌ پارێكێكی گه‌ڕه‌كی شاره‌وانی روویداوه‌ گه‌نجێكی له‌دایك بووی ساڵی (1992) كاتژمێر (9)ی سه‌رله‌به‌یانی رۆشتووه‌ته‌ پاركه‌كه‌ و دوو باخه‌وانی لێبوه‌ دوای سڵاو كردن له‌ باخه‌وانه‌كان و دووركه‌وتنه‌وه‌ لێیان به‌ ماوه‌یه‌كی كه‌م ده‌نگێك بیستراوه‌، دوای ئاگادار بوون و گه‌شتنی هێزه‌كانمان به‌ شوێنی رووداوه‌كه‌ له‌ لێكۆڵینه‌وه‌ سه‌ره‌تایبه‌كاندا ده‌ركه‌وتووه‌ كه‌  كه‌سێكه‌ به‌ناوی  (رێكان ته‌حسین فه‌تاح) كۆتایی به‌ژیانی خۆی هێناوه‌ رووداوه‌كه‌‌ خۆكوژی بووه‌ و له‌ رێگه‌ی نارنجۆكێكی ده‌نگییه‌وه‌ بووه‌".

ئاماژە بەوەشکراوە: "لێكۆڵینه‌وه‌ی زیاتر به‌رده‌وامه، ‌هاووڵاتییان دڵنیا ده‌كه‌ین كه‌ پێویست به شڵه‌ژان و ‌دڵه‌ڕاوكێ ناكات، چونكه‌ رووداوه‌كه‌ ته‌نها كارێكی خۆكوژی بووە".

رێكان ته‌حسین فه‌تاح - ئەو گەنجەی کۆتایی بە ژیانی خۆی هێناوە
رێكان ته‌حسین فه‌تاح - ئەو گەنجەی کۆتایی بە ژیانی خۆی هێناوە