خاوه‌ن زۆرترین ژماره‌ی هاوسه‌ر و منداڵ كۆچی دوایی كرد

زه‌یوونا تشانا 163 هاوسه‌ر و منداڵ و نه‌وه‌ی له‌دوای خۆی جێهێشت

K24- هه‌ولێر:

هه‌فته‌ى رابردوو، زه‌یوونا تشانا، سه‌رۆكى تایفه‌یه‌كى ئاینییه‌ له‌ هیندستان، كۆچى دوایی كرد و  له‌ دواى خۆیدا 38 ژن و 89 منداڵ و 36 نه‌وه‌ى جێهێشت.

سه‌رۆكى ویلایه‌تى زوورامسانگا له‌ تویته‌رى تایبه‌تى خۆیدا، سه‌ره‌خۆشى له‌ خانه‌واده‌ی تشاناى كرد، كه‌ باوه‌ڕى ته‌واوى به‌ فره‌ ژنى هه‌بوو.

پزیشكان رایانگه‌یاند، ناوبراو نه‌خۆشى شه‌كره‌ و په‌ستانى خوێنى هه‌بوو، له‌ "پاكتاونگ" گوونده‌كه‌ى خۆی له‌ پڕ ته‌ندروستى تێكچوو، دواى گواستنه‌وه‌ى بۆ نه‌خۆشخانه‌ كۆچى دوایی كرد.

سه‌رچاوه‌: بی بی سى

خاوه‌ن گه‌وره‌ترین خێزان كۆچی دوایی كرد
خاوه‌ن گه‌وره‌ترین خێزان كۆچی دوایی كرد

 

 

H.B