وەزارەتی کارەبا تەواوبوونی پڕۆژەیەکی دیکەی راگەیاند
K24 – هەولێر
وەزارەتی کارەبای حکومەتی هەرێمی کوردستان، تەواوبوونی پڕۆژەیەکی دیکەی لە دەڤەری گەرمیان راگەیاند.
وەزارەتی کارەبا رایگەیاند، كارەكانی پڕۆژەی گۆڕینی تەلی تاوەرەكانی (132kv)كەلار- حەسیرە و حەسیرە - سەرقەڵا كۆتایی پێهات.
روونکراوەتەوە، پڕۆژەکە بەدرێژایی (29)كیلۆمەتر و بەبڕی (2.211.730) دۆلار جێبەجێ کراوە، کە لە گۆڕینی تەلی تاوەرەكانی (132kv) لە (DClark) بۆ (DClark HTLS)لەنێوان كەلار و وێستگەی (165)مێگاواتی گەرمیان لە حەسیرە و حەسیرە - سەرقەڵا پێکھاتووە.
وەزارەتی کارەبا ئاماژەی بەوەشکردووە، بودجەی پڕۆژەکە لەلایەن كۆمپانیای ئەگریكۆی بەریتانییەوە دابینكراوە.