سەرۆك بارزانی پێشوازی لە باڵیۆزی نه‌رویژ لە عێراق دەکات
K24 - هه‌ولێر:
سەرۆک مەسعود بارزانی ئه‌مڕۆ چوارشەممە 23ی حوزه‌یران/ یۆنیۆی 2021 لە سەلاحەدین پێشوازی لە خاتوو "تۆنی ئالێرز" باڵیۆزی نه‌رویژ لە عێراق کرد.
لەدیدارەکەدا بارودۆخی سیاسی عێراق و دوا پێشهاتەکان لەسەر ئاستی ناوچەکە و هەڕەشەی تیرۆر تاوتوێ کرا و رۆشنایی خرایە سەر هەڵبژاردنەکانی داهاتووی عێراق و كێشه‌كانی بەردەم پڕۆسەی سیاسی عێراق.
هەر لەو کۆبوونەوەیەدا هەنگاوەکان بۆ پێکهێنانی ناوەندەکانی هەماهەنگی نێوان هێزی پێشمەرگە و هێزە ئەمنییەکانی عێراق و هەروەها یەکخستن و چاکسازی لە وەزارەتی پێشمەرگە بە ئیجابی وەسفکرا.
پەیوەندییەکانی نێوان هەرێمی کوردستان و وڵاتی نه‌رویژ تەوەرێکی دیكه‌ی ئەو دیدارە بوو و سەرۆک بارزانی سوپاسی رۆڵ و کاریگەری نه‌رویژی کرد لە یارمەتیدانی ئاوارەکان و کاروباری خێرخوازی و بەشداربوون لە هاوپەیمانیتی نێودەوڵەتی شەڕی دژی داعش.
