بایدن له رێگهى ئابڵ دهیلى سهركۆنهى چین دهكات
K24 – ههولێر:
رۆژنامهى "ئابڵ دهیلى"، كه رۆژانه یهك ملیۆن دانهى لێ چاپ دهكرێت و وهك بهرگریكارێكى سهرسهختى دیموكراتیهته له جیهان، حكومهتى چین رۆژنامهكهى داخست و چوار له بهڕێوهبهره سهرهكییهكهى دهستگیر كرد.
لهمبارهوه، جۆ بایدن سهرۆكى ئهمهریكا رایگهیاند، رۆژێكى خهمناكه كه ببیستین "ئابیڵ دهیلى" ، داخراوه، رۆژێكى ناخۆشه بۆ هۆنگ كۆنگ و تهواوى جیهان، داواكارم پهكین ستافى ئهو رۆژنامهیه ئازاد بكات و رێگه بدات ئهو رۆژنامهیه دووباره چاپبكرێتهوهو دهربچێت.
له بهیاننامهیهكى كۆشكى سپیدا هاتووه: داخستنى رۆژنامهیهكى وهك "ئابڵ دهیلى"، كارێكى ئێجگار خراپ بوو، چونكه بهرگریكارێكى سهرسهختى دیموكراتیهته له جیهان، دهركردنى رۆژنامهیهك تاوان نییه.
ك.ب