"ساجیتا" و "ره‌حمان" فیلمه‌ هیندییه‌كان ده‌كه‌نه‌ راستی

"ساجیتا" ماوه‌ی 11 ساڵ خۆی له‌ بنه‌ماڵه‌كه‌ی شارده‌وه‌ و دراوسێی ماڵی باوكی بووه‌
"ساجیتا" و "ره‌حمان" ماوه‌ی 11 ساڵ له‌ ژوورێكدا ژیاون
"ساجیتا" و "ره‌حمان" ماوه‌ی 11 ساڵ له‌ ژوورێكدا ژیاون

K24 - هه‌ولێر:

ئافرەتێكی هیندی كە 11 ساڵ بوو ون ببوو، دەركەوت ماوەی ئەم 11 ساڵە لە ماڵێكی دراوسێیان ژیاوە و دایك و باوكی پێیان نه‌زانیوه‌.

له‌ ساڵی 2010، كچێكی 18 ساڵە بە ناوی "ساجیتا" لە "ئەیالەتی كرالا"ی هیند ون دەبێت و پۆلیسیش بۆ دۆزینەوەی هیچ سەرەداوێكی دەست ناكەوێت. ئێستا دوای تێپەڕینی 11 ساڵ بنەماڵەكه‌ی زانیویانە كه‌ كچەكه‌یان لەگەڵ خۆشەویستەكەی لە دراوسێیەتی خۆیاندا ژیاوە، بەڵام هیچ كات لە ماڵ دەرنەچووە.

"ساجیتا" و "ره‌حمان" ماوه‌ی 11 ساڵ له‌ ژوورێكدا ژیاون و كه‌س پێینه‌زانیوه‌

ساجیتا، دوای دژایەتی دایك و باوكی بۆ هاوسەرگیری لەگەڵ خۆشەویستەكەی "رەحمان"، لەماڵ دەرچووبوو و تەواوی ئەم ساڵانە، بێ ئەوەی دایك و باوكی "رەحمان"یش هەستی پێبكەن، لەگەڵ خۆشەویستەكەی لە ژوورێك ژیاوە. "رەحمان" قفڵێكی ئۆتۆماتیكی لەسەر دەرگاكە دادەنێت، كە تەنیا "ساجیتا" دەتوانێت بیكاتەوە.

شەوانە یان كاتێك بنەماڵەی "رەحمان" لە دەوام دەبن، ئەو لە ژوورەكەی دێتە دەرەوە. دوای ئەوەی بنەماڵەی "ساجیتا" دەزگا ئەمنییەكان ئاگادار دەكەنەوە، پۆلیس ئەم دوو خۆشەویستە دەستگیر دەكات بە تۆمەتی ژیانی هاوبەشی نایاسایی رەوانەی دادگایان دەكات.

67567567
"رەحمان" قفڵێكی ئۆتۆماتیكی لەسەر دەرگاكە دادەنێت، كە تەنیا "ساجیتا" دەتوانێت بیكاتەوە