کەشناسی: پلەی گەرما زیاتر بەرزدەبێتەوە
K24 – ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند، ئەمڕۆ ئاسمانی ناوچەكانی ھەرێم ساماڵ دەبێت بەرزترین پلەی گەرما لە هەولێر و هەڵەبجە 44 پلە و لە کەرکووک لە سەرووی 45 پلەی سیلیزی دەبێت.
لەبارەی كەشوھەوای سبەی كەشناسی پێشبینی دەكات، رۆژی یەکشەممە ئاسمان ساماڵ و پەڵە هەور دەبێت، لە هەندێک ناوچە پلەی گەرما زیاتر بەرز دەبێتەوە و لە کەرکووک بەرزترین پلەی گەرما دەگاتە 46 پلە.
