لە رانیە تەرمی مێرمنداڵێک بە خنکاوی لە ماڵەکەیان دۆزرایەوە
K24 – رانیە
شەوی رابردوو لە یەکێك لە گەڕەکەکانی قەزای رانیە، مێرمنداڵێک بە خنکاوی لە ماڵەکەیان دۆزرایەوە.
بەڕێوەبەرایەتی پۆلیسی راپەڕین لە راگەیەندراوێکدا ئاشکرای کرد: "شاد عەلی تەمەنی 16 ساڵە و شەوی رابردوو لە ماڵەکەی خۆیان لە گەڕەکی تیتۆکەی رانیە بە خنکاوی دۆزرایەوە".
ئاماژە بەوەشکراوە: "توێکاری پزیشکی بۆ تەرمەکە کراوە و شوێنەواری پەت بە ملیەوە دیارە".
بە گوتەی کەسوکاری: "لە ماڵەکەیان بە پەت خۆی هەڵواسیوە و بەو هۆیەوە گیانی لەدەستداوە".
