وردهكارى كۆبوونهوهى لوتكهيى گرووپى جى 7
K24 – ههولێر:
لووتکەی وڵاتانی ئەندامی گروپی حەوت ناسراو بە جی 7 لە دوورگەیەکی ژاپۆن دەستی پێکرد، کە حەوت سەرکردەی وڵاتانی زلھێزی جیھان کۆدەکاتەوە و باس لە کێشە و قەیرانەکانی ئێستا جیھان دەکەن و یەکێک لە ئەجێندا سەرەکییەکانی لوتکەکە، باسکردنی شەڕی داعش و رووبەڕووبوونەوەی تیرۆرە.
سەرکردەکانی گروپی جی حەوت، 42 یەمین کۆبوونەوەی گروپەکەیان لە دوورگەی ئیس شیمای ژاپۆنی دەست پێکرد و چاوەڕێ دەکرێت لەو کۆبوونەوەیەدا، قەیرانی ئابووری جیھان، رووبەڕووبوونەوەی تیرۆر و قەیرانی پەنابەران مژاری سەرەکی ئەو لووتکەیە بێت.
وڵاتانی گروپی حەوت کە بە جى حهوت ناسراون، بریتین لە حەوت بەھێزترین وڵاتانی جیھان لەرووی ئابووری و پیشەسازییەوە و رۆڵی باڵایان ھەیە لەسەر رووداو و پێشھاھەکاتی جیھان.
باراک ئۆباما سەرۆکی ئەمریکا له كۆبوونهوه لوتكهييهكهدا گوتى: "لەم لووتکەیەدا ئێمە باس لە کێشەکانی ناوچەکە و جیھان دەکەین و یەکێکیش لەو بابەتانە ھەڕەشهی کۆریای باکورە لەسەر ئەم ناوچەیە و لەگەڵ سەرۆک وەزیرانی ژاپۆنیش رێککەوتنین کە ھەماھەنگی و پەیوەندییەکانمان فراوانتر بکەین بەرامبەر بەو ھەڕەشەیە".
ئەم لووتکەیە بۆ دوور رۆژە و چاوەڕێش دەکرێت لە کۆتایی لوتکەکە، ھەر حەوت سەرکردەی وڵاتانی زلھێزی جیھان راگەیاندراوێک بڵاوبکەنەوە، تایبەت بە ستراتیژییەتی ئەو گروپە لەمەڕ کێشە ھەنووکەیەکانی جیھان کە رووبەڕبوونەوەی داعش و چارەسەرکردنی کێشەی پەنابەران دوو بابەتی سەرەکین.
ئەمریکا، بەریتانیا، فەرەنسا، ئەڵمانیا، ئیتاڵیا، کەنەدا، ژاپۆن و ھەروەھا نوێنەری یەکێتی ئەوروپاش ئەندامە لەو گروپە.
خەسڵەتی گروپی جى حهوت:
-ئەم وڵاتانە، خاوەنی بەھێزترین و سەقامگیرترین ئابوورین لە جیھاندا.
-لە %64ی داھاتی جیھان پێکدێنن.
-بەرزترین رێژەی داھاتی ناوخۆیی و توانایی مرۆیی، مەرجەکانن بۆ بوونە ئەندام لەو گروپە.
ئەجێندای لووتکەکە:
-رەوشی ئابووری و بارزگانی جیھان
-سیاسەتی دەرەی وڵاتانی ئەندام و ستراتیژییەتی رووبەڕووبوونەوەی تیرۆر
-گۆڕینی کەشو ھەوا و ژینگەپارێزی
-گەشەپێدانی وڵاتانی ھەژار
-باشکردنی کەرتی تەندروستی لە جیھاندا
-بەھێزکردنی پێگەی ئافرەت لە جیھاندا
-بەھێزکردنی ژێرخانی ئابووری وڵاتانی جیھانی سێیەم