پەرلەمانی کوردستان دەنگ لەسەر ژمارەیەک پێشنیاز و پڕۆژەیاسا دەدات
K24 - هەولێر
سبەی پێنجشەممە 8/7/2021، پەرلەمانی کوردستان کۆدەبێتەوە و دەنگ لەسەر ژمارەیەک پێشنیاز و پڕۆژەیاسا دەدات.
دەستەی سەرۆکایەتی پەرلەمانی کوردستان رایگەیاند، سبەی کاتژمێر 1ی پاشنیوهڕۆ پەرلەمان کۆدەبێتەوە و بهرنامهی كاری دانیشتنی پەرلەمان بهمشێوهیه بێت:..
* دەنگدان لەسەر ئەم پێشنیازو پڕۆژەیاسایانەی خوارەوە بەپێی حوکمی ماددەکانی (٩٠، ٩١، ٩٣، ٩٦، ٩٧) لەپەیڕەوی ناوخۆی پەرلەمانی کوردستان-عێراق.
1- پێشنیازو پڕۆژەیاسای (هەمواری یەکەمی ماف و ئیمتیازاتی کەمئەندام و خاوەن پێداویستی تایبەت ژمارە (٢٢)ی ساڵی ٢٠١١ لەهەرێمی کوردستان-عێراق)
2- پرۆژەیاسای (بەرکارکردنی یاسای رەسمی پولی عێراق ژمارە (٧١)ی ساڵی ٢٠١٢ لەهەرێمی کوردستان-عێراق).
3- پرۆژەیاسای (بەرکارکردن و هەمواری یاسای وەبەرهێنانی پیشەسازی هەردوو کەرتی تایبەت و تێکەڵاو ژمارە (٢٠) ساڵی١٩٩٨ی هەموارکراو).