ژمارەیەك گەشتیار سەنتەری قەزای چۆمان و نۆ گوند و ئاوایی بێ ئاو دەكەن
K24- چۆمان:
ژمارەیەك گەشتیار بۆ خۆفێنك كردنەوە و بینینی دیمەنی زۆری ئاو، دەستكاری بۆرییەكانی سەرچاوەی ئاوی قەزای چۆمانیان كرد لە كوێستانی پڕژێ و بەو هۆیەوە لە دوێنەوە تا دەرنگای ئەمڕۆ قەزای چۆمان و 9 گوندی ده‌وروبه‌ری بێ ئاو بوون.
لەو بارەیەوە ئازاد مستەفا، بەڕێوەری ئاوی چۆمان بە كوردستان24ی رایگەیاند، " ئێوارەی دوێنێ هەینی ژماره‌یه‌ك گەشتیارێك بۆ وێنەگرتن و خۆ فێنككردنەوە دەستكاری قفڵێكی سەرچاوەی ئاوی چۆمانیان لە كوێستانی پڕژێ كردووە و خۆیان شووشتووە، دواتریش نەیانتوانیوە وەك خۆی چاكبكەنەوە، بەو هۆیەشه‌وە زیاتر لە 20 سەعات قەزای چۆمان بێ ئاو بوو.
بەڕێوەری ئاوی چۆمان راشیگەیاند، "لە بەیانی ئەمڕۆوە تیمەكانمان سەرقاڵی چاككردنەوە بوون و توانیان ئاو بۆ قەزاكە بگەڕێننەوە."
بەڕێوەبەرەی ئاوی چۆمان داواشی لە گەشتیاران كرد، له‌كاتی سەردانكردنیان بۆ ئەو ناوچە گەشتیارییە، دەستكاری پڕۆژەی ئاوەكە نەكەن، بۆ ئەوەی خەڵكی ناوچەكە بێ ئاو نەبن.
H.B