سه‌رۆك بارزانی سه‌ره‌خۆشی له‌ قوربانیانی رووداوی ئاگركه‌وتنه‌وه‌ی نه‌خۆشخانه‌ی ناسرییه‌ ده‌كات

هاوسۆزی خۆی بۆ قوربانیانی رووداوه‌كه‌ راگه‌یاند
سه‌رۆك مه‌سعود بارزانی
سه‌رۆك مه‌سعود بارزانی

K24- هه‌ولێر:

به‌بۆنه‌ی رووداوی ئاگركه‌وتنه‌وه‌ له‌ نه‌خۆشخانه‌ی ئه‌لحوسێنی ناسریه‌ی ناوه‌ندی پارێزگای زیقار، سه‌رۆك مه‌سعود بارزانی په‌یامێكی سه‌ره‌خۆشی ئاراسته‌ی كه‌سوكاری قوربانیانی رووداوه‌كه‌ كرد و هاوسۆزی خۆی له‌وباره‌یه‌وه‌ راگه‌یاند و هیوای چاكبوونه‌وه‌شی بۆ برینداران خواست.

ده‌قی په‌یامی سه‌ره‌خۆی سه‌رۆك بارزانی بۆ قوربانیانی رووداوه‌كه‌ی نه‌خۆشخانه‌ی ئه‌لحوسێنی ناسرییه‌:

بە ناوی خودای مەزن و دلۆڤان

سەرەخۆشی لە خانەوادە و کەسوکاری قوربانیانی ڕووداوی دڵتەزێنی ئاگرکەوتنەوە لە نەخۆشخانەی ئەلحوسێنی شاری ناسریە دەکەم و خۆم بە هاوبەشی خەمیان دەزانم.

لە خودای مەزن داواکارم ڕۆحی قوربانیانی ئەو ڕووداوە بە بەهەشت شاد بکات و هیوای چاکبوونەوەش بۆ بریندارانی ئەو ڕووداوە دەخوازم.

انا لله و انا الیە راجعون

مسعود بارزانی

13ـی تەممووزی 2021