ئاوی رووباری دیجلە و فورات بۆ 49 ملیار مەتر سێجای ساڵانە دابەزیوە

دەستەی ناوەندی ئامار ئاستی ساڵانەی هەردوو رووباری دیجلە و فورات ئاشکرا دەکات
دیجلە - ئەرشیف
دیجلە - ئەرشیف

K24 - هەولێر

دەزگای ناوەندی ئاماری عێراق بڵاویکردووەتەوە، لە 2020 تێپەڕبوونی ساڵانەی ئاوی هەردوو رووباری دیجلە و فورات زیاتر لە 49 ملیار مەتر سێجای ساڵانە بووە.

بە گوێرەی راپۆرتێکی دەزگای ناوەندی ئامار، تێپەڕبوونی ساڵانەی رووبارەکانی دیجلە و فورات 49.59 ملیار مەتر سێجا بووە لە 2020.

روونیشی کردەوە، ئەو ئاستە بەراورد بە 2019 کەمی کردووە کە 93.47 ملیار مەتر سێجا بووە.

هەر لە راپۆرتەکەدا هاتووە، ئێستا تێپەڕبوونی ساڵانەی رووباری دیجلە گەیشتووەتە 11.44 ملیار مەتر سێجا، و رووباری فوراتیش گەیشتووەتە 17.95 ملیار مەتر سێجا. کە تێکڕای هەردوو رووبار گەیشتووەتە 29.39 ملیار مەتر سێجا، رێژەکەی دەکاتە 59٪ کۆی ئەو ئاوەی دێتە نێو خاکی عێراق.