یه‌كگرتوو جیا له‌ سه‌ركردایه‌تی "ده‌سته‌ی به‌دواداچوون"یش پێكده‌هێنێت

https://k24mediaservice.streaming.mediaservices.windows.net/cc402242-c62e-4185-9688-a1c26982282a/g11.ism/manifest

K24 - هه‌ولێر:

یه‌كگرتووی ئیسلامی كوردستان له‌ كۆنگره‌ی حه‌وته‌می خۆیدا، بڕیاریداوه‌ جیا له‌ ئه‌نجوومه‌نی سه‌ركردایه‌تی كه‌ له‌ 35 كه‌س پێكدێن، ده‌سته‌یه‌كی دیكه‌ی 9 كه‌سی بۆ به‌دواداچوونی پرسه‌ ناوخۆییه‌كانی حزبه‌كه‌ پێكبهێنێت.

ئه‌بوبه‌كر كاروانی تایبه‌ت به‌ كوردستان 24ی راگه‌یاند، كه‌ ئه‌و چاوه‌ڕوان ناكات وه‌ك ئه‌منیداری گشتی حزبه‌كه‌ هه‌ڵبژێرێت و گوتی: "ئامانجه‌كانی من هاتوونه‌ته‌ دی كه‌ مه‌به‌ستم جیاكردنه‌وه‌ی ده‌عوه‌ و ئایینه‌ له‌ كاری سیاسی".

به‌ گوێره‌ی زانیارییه‌كان، له‌ دوای كۆنگره‌ی حه‌وته‌م كاروباری ده‌ره‌وه‌ی یه‌كگرتوو له‌لایه‌ن ئه‌نجوومه‌نی سه‌ركردایه‌تییه‌وه‌ تاووتوێده‌كرێن و پرسه‌ ناوخۆییه‌كانیش، له‌لایه‌ن ده‌سته‌ی به‌دواداچوونه‌وه‌ سه‌رپه‌رشتی ده‌كرێت.

مه‌كته‌بی سیاسی ده‌بێته‌ "جڤاتی جێبه‌جێكردن" و نووسینگه‌یه‌كی تایبه‌تیش به‌ "بانگخوازی" پێكده‌هێنرێت.