کەشناسی: پلەی گەرما دادەبەزێت

K24 – ھەولێر

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند، ئەمڕۆ ئاسمانی ناوچەكانی ھەرێم ساماڵ دەبێت و پلەی گەرما کەمێک دادەبەزێت، بەرزترین پلەی گەرما لە پارێزگاکانی هەولێر و هەڵەبجە 45 و سلێمانی 46 و دهۆک 44 پلەی سیلیزی دەبێت و لە کەرکووک دەگاتە 48 پلە.

لەبارەی كەشوھەوای سبەی كەشناسی پێشبینی دەكات، رۆژی پێنجشەممە ئاسمان ساماڵ دەبێت و گەرما بەراورد بە ئەمڕۆ و رۆژانی رابردوو چەند پلەیەک دادەبەزێت.