پارێزگای هه‌ولێر ده‌نگۆی ته‌قه‌كردن له‌ پاسێكی گه‌شتیاری ره‌تده‌كاته‌وه‌

بە هەموو لایەک رادەگەێنین کە ئەم رووداوە بەهەموو شێویەک دوورە لەڕاستی
دیوانی پارێزگای هه‌ولێر
دیوانی پارێزگای هه‌ولێر

K24 – هه‌ولێر:

پارێزگای هه‌ولێر ده‌نگۆی رووداوی ته‌قه‌كردن له‌ پاسێكی گه‌شتیاری ره‌تده‌كاته‌وه‌ و رایده‌گه‌یه‌نێت ئه‌و ده‌نگۆیه‌ دوورە لە راستی و هیچ رووداوێکی لەمجۆرە لە رۆژانی جەژن رووی نەداوە.

له‌ روونكردنه‌وه‌یه‌كدا، پارێزگای هه‌ولێر رایگه‌یاندووه‌، بە هەموو لایەک رادەگەێنین کە ئەم رووداوە بەهەموو شێویەک دوورە لەڕاستی و هیچ رووداوێکی لەمجۆرە و رووداوی تری هاوشێوەی لە رۆژانی جەژن رووینەداوە

ده‌قی روونكردنه‌وه‌كه‌

روونکردنەوەیەک لە پارێزگای هەولێرەوە

دوای بڵاوکردنەوەی گرتە ڤیدیۆییەک لەتۆڕە کۆمەڵایەتییەکان و چەند شوێنێکی دیکە، کە گوایە لەلایەن چەند چەکدارێک لە رۆژانی جەژن دەستدرێژی کراوەتە سەر گه شتياران و پاسێکی گەشتیاری و تەقەی لێکراوە، بە هەموو لایەک رادەگەێنین کە ئەم رووداوە بەهەموو شێویەک دوورە لەڕاستی و هیچ رووداوێکی لەمجۆرە و رووداوی تری هاوشێوەی لەڕۆژانی جەژن رووینەداوە، بەڵکو ئەم گرتە ڤیدیۆیە و رووداوەکەش کۆنە و بەماوەیەکی پێش جەژن روویداوە، ئەویش وەرگرتنی ئیجرائاتی پێویست بووە بەرامبەر بەچەند کەسێکی سەرپێچیکار.

جارێکی تر هاووڵاتییان و هاوشاریانی خۆشەویستی سنووری پارێزگاکەمان دڵنیا دەکەینەوە رەوشی ئەمنی و سەقامگیر هەولێری پایتەخت و سەلامەتی و پاراستنی گیانی گەشتیاران و سەرو ماڵی هاووڵاتییانی شارەکەمان بە چاوکراوەیی و شەونخونی برایانیان لە هێزەکانی ناوخۆ پارێزراوە.

پارێزگای هەولێر

2021.7.21