كۆرۆنا له عێراق.. ئامارى تووشبوونی رۆژانه له 13 ههزار حاڵهت نزیك دهبێتهوه
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 53 ههزار و 467 كهس ئهنجامدراوه و تووشبوونی 12 ههزار و 734 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له ناوچهی كهرخی شاری بهغدا تۆماركرا، كه بریتییه له دوو ههزار و 222 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 68 كهس بههۆی پهتاكه گیانیان لهدهستداوه، 8 ههزار و 734 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 648 ههزار و 727 حاڵهت، لهو ژمارهیهش 18 ههزار و 802 كهس بههۆی ڤایرۆسهكهوه گیانیان لهدهستداوه، ملیۆنێك و 480 ههزار و 827 كهسیش به رێژهی 89.8% بهتهواوی چاك بوونهتهوه و 149 ههزار و 98 كهسیش له نهخۆشخانهكان لهژێر چاودێری پزیشكیدان، لهو ژمارهیهش 868 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا ملیۆنێك 789 ههزار و 166 كهس له سهرانسهری عێراق ڤاكسینی كۆرۆنایان وهرگرتووه.
H.B