پارتی ده‌گه‌ڕێته‌وه مه‌خموور
K24 – هەولێر
كرمانج عه‌بدوڵڵا، به‌رپرسی لقی23ی، پارتی دیموكراتی كوردستان، به كوردستان 24ی راگه‌یاند، باره‌گاكانمان وه‌رگرتووه‌ته‌وه، به‌منزیكانه پارتی ده‌گه‌ڕێته‌وه، مه‌خموور.
راشیگه‌یاند، جیا له‌وه‌ی بڕیاره پارتی باره‌گاكانی له مه‌خموور بكاته‌وه، هاوكات باره‌گاكانی ناحیه‌ی سه‌رگه‌ڕانیش، دوای نووژه‌نكردنه‌وه‌ی، ده‌كرێته‌وه.
روونیشیكرده‌وه، وا بڕیاره له ئاینده‌یه‌كی نزیكدا، پارتی باره‌گاكانی له مه‌خموور و ناحیه‌ی سه‌رگه‌ڕان، له رێگه‌ی مه‌راسیم و ئاهه‌نگی تایبه‌ت، بكاته‌وه، دوای ئه‌وه‌ی كاری نووژه‌نكردنه‌وه‌ی باره‌گاكان، ته‌واو ده‌بن.
ك.ب