پرسه‌نامه‌يه‌ك له سه‌رۆكی هه‌رێمی كوردستانه‌وه
K24 – هه‌ولێر:
به هۆی كۆچی دوایی هونه‌رمه‌ندی ناسراوی كوردستان، سه‌لام كۆیی، نێچیرڤان بارزانی پرسه‌نامه‌یه‌كی ئاراسته‌ی بنه‌ماڵه‌ی هونه‌رمه‌ندی كۆچكردوو كرد.
ئه‌مه‌ش ده‌قه‌كه‌یه‌تی:
به داخه‌وه هه‌واڵى كۆچى دواييى هونه‌رمه‌ندى ديار و ناسراوى كوردستان خوالێخۆشبوو مامۆستا سه‌لام كۆيى ـ م پێگه‌يشت. پرسه و سه‌ره‌خۆشى و هاوخه‌ميى قووڵم له‌گه‌ڵ خێزان و كه‌سوكار و هاوڕێيانى و هونه‌رمه‌ندانى كوردستان ده‌رده‌بڕم. له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و سه‌بوورى به هه‌موو لايه‌ك ببه‌خشێت.
مامۆستا سه‌لام كۆيى له ته‌مه‌نێكى زووه‌وه هاتووه‌ته بوارى هونه‌رييه‌وه و ساڵانێكى درێژى به كار و خزمه‌تكردنى هونه‌ر به‌خشى. خاوه‌ن ڕۆڵ و پێگه و ئه‌رشيفێكى ده‌وڵه‌مه‌ندى بوارى نواندن و شانۆيه و جێپه‌نجه‌ى به بوارى هونه‌ريى كوردستانه‌وه دياره. به كار و به‌رهه‌مه‌كانى، بۆ هه‌ميشه يادى به زيندوويى ده‌مێنێته‌وه.
نێچيرڤان بارزانى
سه‌رۆكى هه‌رێمى كوردستان
2021/8/17