"نەوتی هەرێمی کوردستان وەك بابەتێکی سیاسی لەلایەن حکومەتی عێراقەوە مامەڵەی لەگەڵ کراوە"
K24 - ههولێر:
لە رابردوودا بەردەوام نەوتی هەرێمی کوردستان وەک بابەتێکی سیاسی لەلایەن حکومەتی عێراقەوە مامەڵەی لەگەڵ کراوە و خراوەتە ناو گفتوگۆکانی دانوستانی هەولێر و بەغدا لەسەر بەشە بودجەی هەرێمی کوردستان. بەڵام وەزیری نەوتی عێراق بەفەرمی بە وەزیری سامانە سروشتییەکانی حکومەتی هەرێمی کوردستانی راگەیاندووە، کە ئامادەن کێشە تەکنیکییەکان و بەربەستەکان چارەسەر بکەن.
عێراق ئامادەیی خۆی نیشانداوە، بۆ ئەوەی بەربەست و کێشە تەکنیکییەکان بەتایبەت لە دۆسیەی نەوت لەگەڵ هەرێمی کوردستان چارەسەر بکات، وەزیری نەوتی عێراق بەفەرمی ئەمەی بە وەزیری سامانە سرووشتییەکانی حکومەتی هەرێمی کوردستان راگەیاندووە، ئەمە لە کاتێکدا لە رابردوودا، بەردەوام نەوت وەك بابەتێکی سیاسی لەلایەن عێراقەوە مامەڵەی لەگەڵدا کراوە.
رێبوار بابکەیی، ئەندامی لیژنەی وزە و سامانە سرووشتییەکانی پەرلەمانی کوردستان گوتی: "دۆسیهی نهوتی كوردستان، دۆسیهیهكی ستراتیژی ههرێمی كوردستانه، كه بۆ داهاتووی ئابووری كوردستان گرنگه و بهشێكه له ئاسایشی نهتهوهیی ههرێم و عێراقیش، لهو روانگهیهوه چارهسهره دهستوورییهكان ههیه، بهڵام عهقڵیهتی سیاسی له عێراق، مامهڵهیهكی سیاسی بهو پرسهوه دهكات، دوور له بنهما دهستوورییهكان".
لایەنە سیاسییەکانی عێراق ماوەی چەند ساڵێکە کۆی دۆسیەی نەوت دەخەنە ناو دانووستانەکانی هەولێر و بەغدا لەسەر بەشە بودجەی هەرێمی کوردستان، هەندێك جار داوای تەواوی دۆسیەکە دەکەن، هەندێك جاریش لەسەر 250 هەزار بەرمیل نەوت رێکدەکەون، لە دەستووریش دۆسیەی نەوت هەڵگیراوە بۆئەوەی بە پێی یاسا رێکبخرێت.
سۆران عەلی، پسپۆڕی دەستووری گوتی: "پێویسته ههرێمی كوردستان بۆ رێكخستنهوهی بابهتی نهوت دهبێت زۆر به وریاییهوه مامهڵه بكات، نابێت ههرێم تهواوی دۆسیهی نهوت و گاز رادهستی دهسهڵاتی فیدراڵی بكات، ئهگهر نهبێته هاوبهش".
ساڵ بە ساڵ خواست و داخوازییەکانی حکومەتی عێراق بەرامبەر نەوتی هەرێمی کوردستان زیاتر دەبێت، بەڵام بە پێداگری حکومەتی هەرێمی کوردستان، ئەم هەوڵانە شکستییان هێناوە و ئەوەی رێککەوتنی لەسەر کراوە بە فلتەری رەزامەندی هەرێمی کوردستان تێپەڕیووە.
د.ی